2019-01-26 08:08:00

شه‌فه‌ق نيوز/ ئه‌حمه‌د جبورى ئه‌ندام ئه‌نجومه‌ن نوێنه‌ره‌يل عراقى له‌بان پاريزگاى نه‌ينه‌وا، داواى قورتاركردن نه‌فت عراق كرد دوياى وه‌رده‌وامى كرده‌وه‌يل دزيكردن له‌ ناوچه‌ى قه‌ياره‌ له‌ موسڵ.

 

جبورى له‌ به‌ياننامه‌يگ وت: زياتر له‌ 72 سه‌رچه‌وه‌ى نه‌فتى له‌ ناوچه‌ى گه‌ياره‌ له‌ باشوور موسڵ ك زويتر له‌ژير ده‌سڵات داعش بويه‌و نه‌فت له‌لى دزيه‌ و فرووشته‌سه‌ى، وه‌لێ دوياى ئازادكردن موسڵ كه‌فته‌سه‌ ژير ده‌سڵات گرووپه‌يل و فه‌سيله‌يل چه‌كدار رووژانه‌ نزيكه‌ى 100 سه‌هريج له‌ نه‌فت خام دزن و فرووشنه‌ى.

 

له‌ى باوه‌ته‌و رووژنامه‌ى شه‌رقولئه‌وسه‌ت له‌ زووان جبورى وت: ئى دزيكردنه‌ وه‌ ئاشكراو وه‌ ئاگادارێ حكومه‌ت ئه‌كريه‌ێد چ له‌سه‌رده‌م ئه‌وساى حكومه‌ت حيده‌ر عه‌بادى يا حكومه‌ت ئيسه‌ى عه‌بدولمه‌هدى وه‌بى ئه‌وه‌گ هويچ بتويه‌نێد هويچ چشتيگ بكا.

YesIraq