2018-10-27 06:16:00

شه‌فه‌ق نيوز/ هۆشيار عه‌بدوڵڵا ئه‌ندام ئه‌نجومه‌ن نوێنه‌ره‌يل له‌بان كوتله‌ى گۆڕان، داوا له‌ عادل عه‌بدولمهدى و وه‌زاره‌ته‌يل و ده‌زگايه‌يل جيوه‌جيكار و لايه‌نه‌يل په‌يوه‌نديدار كرد پشتگيرى گورج پيشكه‌ وه‌و هاووڵاتيه‌يل زه‌ره‌دمه‌ن له‌و لافاوه‌يله‌ بكه‌ن ك روێدا له‌ ناوچه‌يل هه‌رێم كوردستان و تويش حاڵه‌ت مه‌ويسى هاتن.

 

عه‌بدوڵڵا له‌ به‌ياننامه‌يگ ئه‌را شه‌فه‌ق نيوز، وت: له‌ رووژ جومعه‌ ناوچه‌يليگ له‌ سلێمانى و هه‌ولێر تويش لافاوه‌يل هاتنه‌ وه‌ بوونه‌ى واران فريه‌يگ و ناوچه‌يل سۆران و پشده‌ر زه‌ره‌د فريه‌يگ له‌ليان كه‌فته‌سه‌و ئاوايه‌يل فريه‌يگيش تويش ئه‌و لافاوه‌يله‌ هاتنه‌و ماڵه‌يليان ويران بويه‌و په‌سوپووڵه‌يان وه‌ زه‌ره‌د چيه‌.

 

عه‌بدوڵڵا وت: خواست ئه‌وه‌سه‌ عادل عه‌بدولمهدى فه‌رمان گورجيگ بيه‌ێد وه‌گشت وه‌زاره‌ته‌يل و ده‌زگايه‌يل جيوه‌جيكار ئه‌را دامه‌زرانن تيمه‌يل پشتگيرى له‌و ناوچه‌يل زه‌ره‌دمه‌نه‌و قه‌ره‌بووكردن زه‌ره‌دمه‌نه‌يل ئه‌و لافاوه‌يله‌ ك زوورم مه‌ردمه‌گه‌ێ فه‌قير و كه‌محاڵن.

YesIraq