2019-04-21 07:31:00

شه‌فه‌ق نيوز/ عه‌بدوڵڵا ئه‌لخربيت ئه‌ندا ئه‌نجومه‌ن نوێنه‌ره‌يل عراقى، باس له‌ داوه‌زين ئاست رۆڵ ئيران كرد له‌ عراق.

 

له‌و باوه‌ته‌و رووژنامه‌ى شه‌رقولئه‌وسه‌ت له‌ زووان ئه‌لخربيت وت: ئى كۆنگره‌ى دوياخره‌ چشته‌يل فريه‌يگ له‌تى كه‌فته‌سه‌و له‌بان ئاسته‌يل جياجيا، چ له‌وه‌گ په‌يوه‌سه‌ وه‌ عراق يا وه‌ دوڵه‌ته‌يل ناوچه‌گه‌، ئه‌ويش له‌ ئاماژه‌يگ ئه‌را كۆنگه‌رى په‌رله‌مان وڵاته‌يل هاوساى عراق ك دويه‌كه‌ شه‌ممه‌ له‌ به‌غدا ساز كريا.

 

ئه‌لخربيت ئاماده‌بوين ده‌وڵه‌ته‌يل هاوسا له‌ى كۆنگره‌ وه‌ ئه‌وه‌ تاريف كرد ك خه‌ريكه‌ عراق عافيه‌ت خوه‌ى ئه‌يه‌رێده‌وه‌و شايه‌ت بدێده‌ وێستگه‌يگ ئه‌را يه‌كه‌وگرتن تيمه‌يل جياجيا و له‌وانه‌يش ك ناكووكى ها ناونيان.

 

ئه‌لخربيت هه‌ميش وت: پيشبينى ئه‌وه‌ ئه‌كريه‌ێد شانشين عه‌ره‌بى سعودى و كوه‌يت رۆڵ گرنگ بياشتون له‌ بوار وه‌به‌رهاوردن له‌ عراق، وه‌لێ رۆڵ ئيران خه‌ريكه‌ داوه‌زێد وه‌بوونه‌ى زيايبوين كيشه‌يلى وه‌ل وڵاته‌يل يه‌كگرتگ ئه‌مريكا.

YesIraq