2019-01-06 07:19:00

شه‌فه‌ق نيوز/ ئه‌نداميگ ئه‌نجومه‌ن نوێنه‌ره‌يل له‌بان كوتله‌ى يه‌كێتى نيشتمانى كوردستان، ئاشكراى بڕ 50 مليار دينار كرد ئه‌را جيوه‌جيكردن مادده‌ى 140 له‌ پرووژه‌ ياساى بودجه‌ى ناوه‌ندى ئمساڵ 2019.

 

مه‌ريوان نادر له‌ لێدوانيگ ته‌له‌فزيۆنى وت: پرووژه‌ ياساى بودجه‌ى ناوه‌ندى ساڵ 2019 بڕگه‌ێ ته‌رخانكردن 50 مليار دينار ئه‌گرێده‌ خوه‌ى ئه‌را جيوه‌جيكردن ماده‌ى 140 ده‌ستوور، ك يه‌يش وه‌ ئاماژه‌ى خاسيگ تاريف كرد چوينكه‌ بودجه‌يل وه‌رين ته‌رخانكردن پويل ئه‌را ئه‌و مادده‌ له‌تى نه‌ويه‌.

 

نادر هه‌ميش وت: مادده‌ى 140 ئه‌را ئمساڵ هه‌وه‌جه‌ وه‌ 420 مليار دينار ديرێد ئه‌را كووتاييهاوردن وه‌ قوناغه‌ قه‌ره‌بووكردنه‌وه‌ى زه‌ره‌دمه‌نه‌يل، وه‌لێ ته‌نيا 50 مليار دينار ته‌رخان كرياگه‌ و باسيش له‌وه‌ كرد ك قه‌ره‌بووكردن ئه‌وانه‌ ئه‌گرێده‌و ك ئاڵشتكارێ ديموگرافى داشتنه‌و له‌لايه‌ن رژيم وه‌رينه‌و ئه‌را ناوچه‌يل داوڕياێ.

YesIraq