2019-10-12 09:10:32

شه‌فه‌ق نيوز/ سه‌ركردايه‌تى فه‌رمانده‌يى هاوبه‌ش له‌ عراق، ئاشكراى ئه‌ندامه‌يل ليژنه‌ى په‌يجورێ كرد له‌ روێداگه‌يل گرتنه‌ ئامانج خوه‌ينيشانده‌ره‌يل.

 

سه‌ركردايه‌تيه‌گه‌ له‌ به‌ياننامه‌يگ وت: له‌بان رينمايى و سه‌په‌رشى سه‌رۆك ئه‌نجومه‌ن وه‌زيره‌يل سه‌ركرده‌ى گشتى هيزه‌يل چه‌كدار ليژنه‌يك باڵا دامه‌زرياگه‌ وه‌ سه‌رۆكايه‌تى وه‌زير پلاندانان و ئه‌ندامێتى وه‌زيره‌يل داد و ته‌ندروستى و ناوخوه‌يى و وه‌رگرى و جيگر سه‌ركرده‌ى فه‌رمانده‌يى هاوبه‌ش و نوێنه‌ره‌يل له‌ ئه‌نجومه‌ن باڵاى دادوه‌رى و ئه‌نجومه‌ن نوێنه‌ره‌يل و كۆمسيۆن مافه‌يل ئاده‌ميزاد و دزگايه‌يل ئه‌منى و هه‌واڵگيرى ئه‌را په‌يجورى ته‌واويگ له‌و رويداگه‌يله‌ ك كه‌فته‌سه‌و له‌وه‌خت خوه‌ينيشانداينه‌يل و له‌تى شماره‌ى فريه‌يگ له‌ خوه‌ينيشانده‌ره‌يل شه‌هيد و زه‌خمدار بوين و ئه‌را په‌يجوريكردن له‌و كرده‌وه‌يله‌ ك روێدان ئه‌را بان موڵكه‌يل گشتى و تايبه‌ت و چگن وه‌ناو باره‌گايه‌يل كه‌ناڵه‌يل ره‌سانن و حزبه‌يل و ده‌رخستن ئه‌و كه‌س و لايه‌نه‌يله‌ ك ده‌س داشتنه‌ له‌ى كرده‌وه‌يله‌ وه‌خاتر له‌وه‌رگرتن رێ وشوون ياسايى ده‌رهه‌قيان وه‌و جووره‌گ ك ليژنه‌گه‌ له‌ماوه‌ى هه‌فت رووژ كاره‌يلێ ته‌واو بكا.

FaceIraq
}