2019-05-21 19:47:21

شه‌فه‌ق نيوز/ ئه‌نجومه‌ن وه‌زيره‌يل دانيشتن هه‌فتانه‌ى خوه‌ى وه‌ سه‌رۆكايه‌تى عادل عه‌بدولمه‌هدى سه‌رۆك ئه‌نجومه‌ن وه‌زيره‌يل ساز كرد و له‌تى چه‌ن باوه‌تيگ ئاماده‌كرياێ له‌ كارنامه‌ى تاووتوێ كرد وه‌ل ده‌ركردن شماره‌يگ بڕيار.

 

ئه‌نجومه‌ن وه‌زيره‌يل بڕيار په‌سه‌نكردن ئه‌وله‌ويات پرووژه‌يل ريككه‌فتنه‌يل و رينمايه‌يل ئه‌را ئه‌نجومه‌ن نوێنه‌ره‌يل عراقى كرد له‌باره‌ى وه‌رده‌وامبوين له‌ داناين پرووژه‌ ياسايه‌يل سه‌باره‌ت وه‌ ريككه‌فتنه‌يل شماره‌(26).

 

بڕياريش دا له‌باره‌ى هه‌مواركردن هه‌ردوگ بڕيار وه‌زيره‌يل شماره‌(287) ساڵ 2015 و(2) ساڵ 2017 له‌باره‌ى ده‌سڵات وه‌كرايه‌داين كوشكه‌يل خاوه‌ن هه‌وه‌جه‌يل تايبه‌ت.

 

ئه‌نجومه‌ن وه‌زيره‌يل رازى بوى له‌بان بڕياره‌يل ئه‌نجومه‌ن وه‌زارى ئه‌را وزه‌ ك له‌دانيشتن 18 بريا له‌باره‌ى ريككه‌فتنه‌يل په‌يماننامه‌يل شماره‌ (EFP10 – 10200  ) ناونى كۆمپانياى LEIGHTON OFFSHORE و كۆمپانياى نه‌فت به‌سره‌.

 

ئه‌نجومه‌نه‌گه‌ ده‌نگ له‌بان دياريكردن واده‌ى ئه‌نجامداين هه‌ڵوژاردنه‌يل ئه‌نجومه‌ن پاريزگايه‌يل دا دوياى ته‌واوكردن كار كۆمسيۆن باڵاى سه‌روه‌خوه‌ى هه‌ڵوژاردنه‌يل و ئه‌نجومه‌ن نوێنه‌ره‌يل و ده‌نگيش دا له‌بان بڕيار كارمه‌نده‌يل هه‌واڵه‌كرياێ ئه‌را دادگا له‌باره‌ى كيشه‌يگ يا زياتر و ده‌نگيش دا له‌بان چاره‌سه‌ر كاروبار خوه‌ندكاره‌يل له‌باوه‌ت ده‌وام و هه‌وه‌جه‌يليان و ده‌نگيش دا له‌بان داين سه‌د هه‌زار دينار عه‌يدانه‌ وه‌ خيزانه‌يل چه‌ودێرى كۆمه‌ڵايه‌تى و چه‌ن بڕياريگ تر.

YesIraq