2018-11-21 16:27:00

شه‌فه‌ق نيوز/ راپۆرته‌يل ره‌سانن ئاشكراى ئه‌وه‌ كردن ك شماره‌يگ له‌ ئه‌مريكيه‌يل ده‌سكردنه‌سه‌ سه‌ندن مليۆنه‌ها دينار عراقى وه‌و ئوميده‌ ئاره‌زووه‌يليان جيوه‌جێ بدێ له‌ناونى ماوه‌ى كه‌ميگ.

 

هووكاره‌يل ره‌سانن وتن: ئه‌وانه‌گ لايه‌نگر سياسه‌ت دۆناڵد تراپ سه‌رۆك ئه‌مريكان چه‌وه‌ه‌ڕێ ئه‌وه‌ ئه‌گه‌ن تره‌مپ برياريگ ده‌ربكا نرخ پويل عراقى به‌رزه‌و بكا تا وه‌پى ده‌وڵه‌مه‌ن بوون وه‌ فه‌رق نرخ فرووشتنى.

 

له‌ى باوه‌تيشه‌و، رووژنامه‌ى"Newsweek"وت: ئى دعايه‌يله‌ وه‌رجه‌ ئه‌وه‌ بويه‌ ك ترامپ ده‌سڵات وه‌ده‌س بگرێد و ئه‌چێده‌و ئه‌را سه‌رده‌م سه‌دام حسێن سه‌رۆك وه‌رين عراق، چوينكه‌ وه‌رجه‌ جه‌نگ كه‌نداو دويه‌م(داگيركردن كوه‌يت)نرخ دينار عراقى له‌ سێ دۆلار زياتر بوێ، وه‌لێ ئه‌و پويله‌ دوياى گه‌مارۆ له‌بان ئه‌و رژيمه‌ له‌ ساڵه‌يل نه‌وه‌د سه‌ده‌ى گوزه‌يشت فريه‌ داوه‌زێ، وه‌لێ دوياى رميان ئه‌و رژيمه‌ كه‌ميگ به‌رزه‌و بوێ و جيگير بوى له‌بان 1200 دينار وه‌رانوه‌ر يه‌ك دۆلار. هه‌ر وه‌و خاتريشه‌ له‌ سه‌رده‌م ترامپ فكره‌ى سه‌ندن پويل عراقى فراوانه‌و بوێ و بڕيگ له‌ لايه‌نگره‌يل ترامپ وه‌ شيوازيگ هه‌ڵه‌ هويره‌و كرديان و ئيسه‌يش چه‌وه‌ڕێ ئه‌كه‌ن نرخ دينار جوور جاران به‌رزه‌و بدێ.

YesIraq