2019-05-25 09:38:43

شه‌فه‌ق نيوز/ گومان و به‌ڵگه‌يليگ روێ له‌ زيايبوين ئه‌كه‌ن له‌باره‌ى ئه‌وه‌گ ئيران ده‌سدريژى كرده‌سه‌ بان كه‌شتيه‌كه‌ له‌ نزيك كه‌ناراوه‌يل ئيمارت، يه‌يش بيجگه‌ په‌لاماره‌ مووشه‌كيه‌گه‌ له‌ عراق.

 

له‌ى باوه‌ته‌و، وه‌رپرسيگ باڵا له‌ وه‌زاره‌ت وه‌رگرى ئه‌مريكى وت: وڵاته‌يل يه‌كگرتگ مناى ئيران و بريكاره‌يلى ئه‌كا له‌و په‌لاماره‌يله‌ ك له‌ى دوياخره‌ كه‌شتيه‌گه‌ بازرگانيه‌گه‌ له‌ كه‌نداو عومان گرته‌ ئامانج و ئه‌و روێداگ مووشه‌كيه‌ ك له‌ پايه‌خت عراق روێدا.

 

لاى خوه‌يه‌و، سوپاى ئه‌مريكى جه‌خت له‌وه‌ كرد ره‌سيه‌سه‌ ئه‌و باوه‌ڕ ته‌واوه‌ ك پاسه‌وان شۆڕش ئيران وه‌رپرسه‌ له‌بان ئه‌و ته‌قينه‌وه‌يله‌ ك 4 كه‌شتى له‌ نزيك كه‌ناراوه‌يل هه‌رێمى ئيماراتى گرته‌ ئامانج.

 

جى باسه‌، ئه‌دميراڵ مايكڵ گێڵداى ك ئاكام په‌يجووريه‌يل ده‌رخستگه‌، ئاشكراى ئه‌وه‌ كرد ك بريكاره‌يل ئيران ئه‌و مووشه‌كه‌يله‌ وه‌شاننه‌ ك وه‌رجه‌ رووژه‌يليگ له‌ نزيك باڵێۆزخانه‌ى ئه‌مريكى له‌ به‌غدا كه‌فته‌و.

YesIraq
}