2019-05-01 09:52:19

شه‌فه‌ق نيوز/ ئه‌كاديمياى ناوده‌وڵه‌تى ئه‌زهه‌ر, كوتايى وه‌ به‌رنامه‌يگ ئه‌را مه‌شقداين وه‌ 27 له‌ ئيمام مزگفته‌يل عراقى هاورد ئه‌را روێ وه‌ڕوێ بوينه‌وه‌ى فكره‌يل تونڕه‌ولا و وه‌مانجگرتن گوزارشه‌يل وه‌هه‌ڵه‌كرياێ ك له‌لايه‌ن گرووپه‌يل تيرۆريستييه‌و بڵاو ئه‌كريه‌ێد له‌ هووكاره‌يل په‌يوه‌ندى كۆمه‌ڵايه‌تى بيجگه‌ مه‌شقداين 68 له‌ ئيمامه‌يل تر و نوسحه‌تده‌ره‌يل ك له‌ جه‌هان ئسلاميه‌و چينه‌ وه‌ل مه‌شقداين 90 ئيمام تر مسرى له‌ خول ئاماده‌كارى فه‌توايى سه‌رده‌م.

 

له‌ى باوه‌ته‌و عه‌بدولمنعم فوئاد وه‌ڕيه‌وبه‌ر ئه‌كاديمياى ناوده‌وڵه‌تى ئه‌زهه‌ر له‌ وه‌خت خوليگ ده‌رچگن شماره‌يگ له‌ ئيمام مزگفته‌يل وت: نزيكه‌ى 20 ده‌وڵه‌ت رووڵه‌يليان ئه‌را مه‌شقداينه‌ له‌ ئه‌كاديمياگه‌ كلكردنه‌.

 

جى باسه‌، ده‌رچگه‌يليگ له‌و ئاهه‌نگه‌، باوه‌ڕنامه‌يل ريزله‌ليناين و فه‌رهه‌نگه‌يل زانستى وه‌پيان دريا ئه‌را روێ وه‌ڕوێ بوينه‌وه‌ى فكره‌يل تونڕه‌وى و نوێنه‌ر ئيمامه‌يل عراقييش له‌و ده‌رچگه‌يله‌ ئه‌وه‌ ده‌رخست ك وه‌شيوه‌يگ جددى كار له‌بان روێ وه‌ڕوێ بوينه‌وه‌ى فكره‌يل تونڕه‌وى و ريكخرياگه‌يل تيرۆريستى ئه‌كه‌ن و له‌وانه‌يش ريكخرياگ داعش ك وازى وه‌ ده‌قه‌يل ئايينى ئه‌كا له‌وه‌ر خاتر به‌رژه‌وه‌نديه‌يلى.

YesIraq