ئاگریگ لە گێڵگەیگ نەفتی لە باکوور خوەرهەڵات کەرکوک هەڵسیا

Category: هــــه‌واڵ عــیراق

Date: 2020-07-10T18:19:20+0000
ئاگریگ لە گێڵگەیگ نەفتی لە باکوور خوەرهەڵات کەرکوک هەڵسیا

شەفەق نیوز/ سەرچەوەیگ خۆجێی، ئمڕوو جمعە، خەوەردا لە ئاگریگ لە کێڵگەیگ نەفتی لە باکوور خوەرهەڵات پارێزگای کەرکوک.
سەرچەوەگە خەوەردا ئاژانس شەفەق نیوز ک ئاگریگ هەڵسیا لە گێڵگەی جمور نەفتی لە وەر شۆرتیگ کەهرەبایی ئمڕوو دویای نیمەڕوو. سەرچەوەگە وتیش: تیمەیل ئاگرکوژێنەوەی سەروە وەرگری مەدەنی چین وەرەو شوون رووداوەگە ئەرا کپەوکردن ئاگرەگە.
جمور گێڵگەیگە کەفێدە باکوور خوەرهەڵات شار کەرکوک، و هاوشان گێڵگەیل کەرکوک و بای حەسەنە، و دەسکردە بەرهەمهاوردن لە ئاب ١٩٥٩ . وژیردەسە نەفتیەگەی کەرکوک دابڕیای مەزەنە کریەێد وە دەور ١٣ ملیار بەرمیل، واتە دەور ١٢% لە گشت ژیردەسەی عراقە لە نەفت.

related