ئاگادارى تايبه‌تيگ ئه‌را كارمه‌نده‌يل و خانه‌نشينه‌يل له‌ عراق

Category: هــــه‌واڵ عــیراق

Date: 2019-10-08T10:27:58+0000
ئاگادارى تايبه‌تيگ ئه‌را كارمه‌نده‌يل و خانه‌نشينه‌يل له‌ عراق

شه‌فه‌ق نيوز/ بانك رافده‌ين ئاشكراى ئه‌وه‌ كرد وه‌رده‌وامه‌ له‌ داين مووچه‌ى كارمه‌نده‌يل و خانه‌نشينه‌يل له‌ڕێ هووكاره‌يل وه‌رگرتن ئه‌لكترۆنى.

 

له‌و باوه‌ته‌و، نويسينگه‌ى ره‌سانن بانك رافده‌ين له‌ به‌ياننامه‌يگ وت: كارمه‌نده‌يل و خانه‌نشينه‌يل له‌وانه‌گ كارت ئه‌لكترۆنى ديرن ئه‌تويه‌نن مووچه‌يليان له‌ هه‌ر لقيگ له‌ لقه‌يل بانكه‌گه‌ يا هه‌ر شوونيگ تر ك له‌تى وجوود ديرێد وه‌ربگرن.

 

به‌ياننامه‌گه‌ هه‌ميش وت: بانكه‌گه‌ له‌وه‌خت بڕيان تووڕ ئه‌نته‌رنێت گامه‌يل خاسيگ نا وه‌هاوكارى وه‌ل لايه‌نه‌يل په‌يوه‌نديدار له‌ ده‌زگايه‌يل تر و تويه‌نست مووچه‌ى خانه‌نشينه‌يل وه‌ ئاسانى و ئنسيايى به‌رزيگه‌و بيه‌ێد.

related