2018-09-17 10:01:00

شه‌فه‌ق نيوز/ كازم سه‌هلانى چالاكوان له‌ خوه‌ينيشانداينه‌يل به‌سره‌ باس له‌ وه‌رده‌وامى ده‌سگيركردن هه‌ڕه‌مه‌كى كرد ده‌رهه‌ق خوه‌ينيشانده‌ره‌يل.

 

سه‌هلانى ئه‌را شه‌فه‌ق نيوز وت: تائيسه‌ شماره‌ى ئه‌وانه‌گ ك ده‌سگير كريانه‌ زياتره‌ له‌ 30 چالاكوان و له‌ناونيانيش وه‌ليد ئه‌نسارى ك هيزه‌يل ئه‌منى ماڵه‌گه‌ى وشكانن و ده‌سگيرى كردن.

 

سه‌هلانى وت: ده‌سگيركردن تائيسه‌يس وه‌رده‌وامه‌ وه‌بى فه‌رمان دادوه‌رى و لايه‌نه‌يل فه‌رمييش هه‌وڵ تومه‌تباركردن چالاكوانه‌يل ئه‌يه‌ن وه‌ كاره‌يل ويرانكارى تا شيواز ئه‌و خوه‌ينيشانداينه‌يله‌ خراو بكاو ده‌سدريژى ئه‌نجام بدريه‌ێد.

 

له‌ى باوه‌تيشه‌و، نويسينگه‌ى كۆمسيۆن باڵاى مافه‌يل ئاده‌ميزاد له‌ به‌سره‌ باس له‌ ده‌سگيركردن 25 خوه‌ينيشانده‌ر كرد له‌ پاريزگاگه‌و بڕيگيش له‌ليان له‌ ده‌يشت پاريزگاگه‌.

YesIraq