2019-11-26 07:55:40

شه‌فه‌ق نيوز/ ده‌سه‌ى كه‌شناسى نيشتمانى ئه‌مريكى پيشبينى هاتن دو گه‌رده‌لويل تون پڕ وه‌فراوى و هه‌واى قايميگ كرد له‌ خوه‌رئاواى وڵاته‌يل يه‌كگرتگ له‌ى هه‌فته‌، ك يه‌يش پلان مليۆنه‌ها ئه‌مريكى شيونێد تايبه‌ت وه‌ جه‌ژن سوپاسگوزارى رووژ په‌نجشه‌ممه‌.

 

ده‌سه‌ى كه‌شناسى وت: گه‌رده‌لويل يه‌كه‌م له‌ وارين وه‌رفر ده‌س وه‌پى ئه‌كا و نزيكه‌ى 30 سه‌نتيمه‌تر وارێد و له‌ باشوور ولايه‌ت وايومنگ تا ناوڕاس كۆلۆرادۆ ئه‌گرێده‌و.

 

باس له‌وه‌يش كرد گه‌رده‌لويل دويه‌ميش له‌مڕوووه‌و له‌ به‌شه‌يليگ له‌ باكوور وڵاته‌گه‌ ده‌س وه‌پى ئه‌كا وه‌ دريژايى ده‌رياى ئارام له‌ساى كه‌شيگ فريه‌ سه‌رد له‌ ئۆريگۆن و باكوور كاليفۆرنيا.

 

جى باسه‌، يه‌يش له‌وه‌ختيگه‌ كۆمه‌ڵه‌ى ئه‌مريكى ئه‌را سه‌ياره‌يل وت: نزيكه‌ى 55 مليۆن كه‌س وه‌ سه‌ياره‌يليان يا وه‌ ته‌ياره‌ گه‌شت ئه‌كه‌ن له‌ ماوه‌ى رووژه‌يل جه‌زن سوپاسگوزارى.

}