2020-02-14 09:16:07

شه‌فه‌ق نيوز/ ئاژانس وزه‌ى ناوده‌وڵه‌تى، ئاشكراى ئه‌وه‌ كرد داواكارى له‌بان نه‌فت له‌بان ئاست سلڵانه‌ له‌ چاره‌كه‌ يه‌كه‌م ئمساڵ داوه‌زێد، يه‌يش ئه‌را يه‌كه‌مجاره‌ له‌ ده‌سوه‌پيكردن قه‌يران دارايى له‌ 2009 تائيسه‌، يه‌يش وه‌خاتر كاريگه‌رى ڤايرۆس كۆرۆنا له‌ چين.

 

ئاژانسه‌گه‌ ك باره‌گاى كه‌فته‌سه‌ پاريس، له‌ راپۆرتيگ مانگانه‌ وت: ئه‌نجامه‌يل كۆفيد-19 (كۆرۆنا) وه‌نسبه‌ت ئه‌را داواكارى جه‌هانى له‌بان نه‌فت فريه‌ گه‌وراسه‌، هه‌ر له‌وه‌ر ئه‌وه‌يش پيشبينى ئه‌كريه‌ێد بڕ 435 هه‌زار به‌رميل نه‌فت رووژانه‌ له‌ چاره‌كه‌ يه‌كه‌م ئمساڵ داوه‌زيد له‌ يه‌كه‌م داوه‌زين ساڵانه‌ ئه‌را زياتر له‌ ده‌يه‌يگ.

 

جى باسه‌، ئاژانسه‌گه‌ هه‌ميش وت: وه‌نسبه‌ت ئه‌را ساڵ 2020 وه‌گشتى، پيشبينيمان له‌باره‌ى په‌ره‌ى جه‌هانى كه‌مه‌و كرديمه‌ له‌ 365 هه‌زار به‌رميل نه‌فت رووژانه‌ ئه‌را 825 هه‌زار به‌رميل، ك يه‌يش كه‌متره‌ له‌ 2011 ه‌وه‌.

}