2019-06-20 20:12:56

شه‌فه‌ق نيوز/ حه‌سه‌ن شه‌لغومى، پياو ئايينى فره‌نسى وه‌ڕه‌گه‌ز تونسى، سه‌ردان ته‌لئه‌بيب كرد و چه‌وێ كه‌فته‌ شماره‌يگ له‌ وه‌رپرسه‌يل ئسرائيلى له‌ ميان سه‌ردانه‌گه‌ێ.

 

شه‌لغومى له‌ ڤيديۆيگ ك لاپه‌ڕه‌يل ئسرائيلى له‌بان ماڵپه‌ڕه‌يل په‌يوه‌ندى كۆمه‌ڵايه‌تى بڵاويه‌و كرد باوه‌ش كرده‌سه‌ شماره‌يگ له‌ سه‌ربازه‌يل ئسرائيلى و ئه‌فيخاى ئه‌دره‌عى قسه‌كه‌ر وه‌ناو سوپاو ئه‌فسه‌ريگ تر ئسرائيلى و له‌ ڤيديۆگه‌ وتگه‌: ئسرائيل دوشمنايه‌تى موسڵمانه‌يل ناكا، به‌ڵكو ته‌نيا دژايه‌تى تيرۆرسته‌يل ئه‌كا جوور حزبوڵڵا و حه‌ماس و حووسيه‌يل و رژيم ئيران و ئه‌من و ئارامى و ئاشتى ئه‌را ناوچه‌گه‌و موسڵمانه‌يل ئه‌يه‌رێد.

 

شه‌لغومى له‌ ڤيديۆگه‌ داواى سه‌ركه‌فتنيش ئه‌را سوپاى ئسرائيلى كردگه‌و هه‌ر وه‌و خاتريشه‌ ئه‌درعى جواوى داسه‌وه‌و وتگه‌: ئيوه‌ يه‌كيگين له‌ مه‌رمان كه‌مه‌ ك له‌مه‌ترسيه‌يل بان غه‌ززه‌ و مه‌رزه‌يل باكوور ره‌سينه‌و.

YesIraq
}