2019-06-16 20:00:59

شه‌فه‌ق نيوز/ مايك په‌مپيۆ وه‌زير خارجيه‌ى ئه‌مريكى، ئاشكراى ئه‌وه‌ كرد وڵاته‌يل يه‌كگرتگ جه‌نگ وه‌ل ئيران ناخوازێد و جه‌ختيش له‌وه‌ كرد دبلۆماسيه‌ت وه‌ل ته‌هران وه‌رده‌وامه‌.

 

په‌مپيۆ له‌ ديمانه‌يگ وه‌ل به‌رنامه‌ى"فۆكس نيوز سه‌نداى"، وت: دوناڵد تره‌مپ سه‌رۆك وڵاته‌يل يه‌كگرتگ گشت هه‌وڵيگ داگه‌ ئه‌را دويره‌وخستن جه‌نگ و ئاماژه‌ وه‌يه‌يش كرد ئه‌مريكا ئاماده‌س ئه‌را له‌وه‌رگرتن هه‌ر رێ وشوونيگ وه‌گووره‌ى خواست.

 

جى باسه‌، وه‌زير خارجيه‌ى ئه‌مريكا هه‌ميش وت: ئيمه‌ گشت هه‌وڵيگ دايمنه‌ ئه‌را ئه‌وه‌گ جه‌نگ نه‌دێ و باس له‌وه‌يش كرد ك وڵاته‌گه‌ى ئوميده‌واره‌ هه‌ڕه‌شه‌ى وه‌كارهاوردن ‌هيز به‌س بدێ ئه‌را كيشانن سه‌ركرده‌يل ئيرانى ئه‌را بان مێز گفتگوو و وتيش: بايه‌سه‌ له‌بان ئيرانيه‌يليش ئه‌وه‌ بزانن ك ئيمه‌ وه‌رده‌واميم له‌وه‌رگرتن رێ وشوون ئه‌را نواگيرى له‌ ئيچنه‌ ره‌فتاره‌يليگ.

YesIraq
}