2019-03-05 17:44:00

شه‌فه‌ق نيوز/ وه‌رپرسه‌يليگ باڵا له‌ حكومه‌ت پاكستانى ئاشكراى زانياريه‌ييگ مه‌ترسيدار كردن ئه‌را يه‌كه‌مجار له‌وه‌ختيگه‌و ناكووكى كه‌فته‌سه‌ ناونى هند و پاكستان.

 

له‌ى باوه‌ته‌و، كه‌ناڵ "ئارى نيوز" پاكستانى له‌ زووان وه‌رپرسه‌يليگ وت: هند و ئسرائيل وه‌ل ده‌وڵه‌تيگ تر ك ناوى ئاشكراى نه‌كرياگه‌ پلان ئه‌را په‌لامارداين پاكستان ئاماده‌ كردنه‌ له‌ 27 شوبات گوزه‌يشت.

 

ئه‌و وه‌رپرسه‌يله‌ ك نه‌تواسن ناويان ئاشكرا بكريه‌ێد، ئه‌وه‌ ده‌رخستن ك هه‌واڵگرى پاكستانى راپۆرته‌يليگ كه‌فته‌سه‌ ده‌سى له‌باره‌ى ئه‌و نيازه‌ و يه‌يش باسكردنه‌ ك ده‌وڵه‌تيگ تر گه‌وراهيز هه‌س وه‌ل هند و ئسرائيل پلان ئه‌را په‌لامارداين پاكستان دانانه‌و ئاماژه‌ وه‌يه‌يش كردن ك هند ئاماده‌س په‌لامار هه‌يشت بنگه‌ى جياجياى پاكستان بيه‌ێد وه‌ مووشه‌ك.

YesIraq