پزشکەیل میسر لە وەزارەت تەندروسی توڕە ن

Category: هــــه‌واڵ جیــهانى

Date: 2020-05-25T13:21:30+0000
پزشکەیل میسر لە وەزارەت تەندروسی توڕە ن

شەفەق نیوز/ سەندیکای پزشکی میسر ئمڕوو دووشەممە، وەرپرسی مقیەتی تیمە پزشکیەگان خستە بان وەزارەت تەندروسی، ئەویش دویای زیایبوین مردگەیل وە ڤاێڕۆس کۆڕۆنا لەناو کادیرەیلیان.
سەندیکاگە لە بەیاننامەیگی داوا لە گشت لایەنەگان جیوەجیکار و یاسانەر و چەودێر کرد ک کار خویان ئەنجام بیەن لە جەختکردن لەبان وەزارەت تەندروسی ئەرا ئەنجامداین کار خوەی وە مقیەتی کادیره‌یل پزشکەی، ودابین کردن زویەیی نیازه‌یل خەسەخانەیل کەرەنتینە تایبەت وە ئەندامەیل تیمە پزشکیەگان، ئەرا چارەسەر زوینەیان. وتیش؛ ئی داواکاریەیلە مافیگ بنچینەییە ئەرایان و تا هەمیش بچنەو ئەرا كارو هەڵگردن وەرپرسی لە بان سەڵامەت مه‌ردم .
سەندیکاگە هوشداری دا لە زیایبوی توڕه‌یی لەناونی پزشکەیلە لەوەر دابین نەکردن مقەیەتی ئەرایان ك کارگەری خراو دیرێد لەبان کارەیل چەودێری تەندروسی . هەمیش هوشداری دا ک سیستمە تەندروسیەگە شایەت وەیەکجاری بڕمیەێد، وکارساتیگ روی بیەێد لە گشت خاکەگە، ئەگەر ئی تەمەڵی و پشت گووش خستنە لە لایەن وەزارەت تەندروسیەو وەردەوامبوود وەرانوەر تیمه‌یل پزشکەیل.
دویەکە میسر گەوراترین بەرزەوبوین لە رێژەی قوربانی ڤاێڕۆس کۆڕۆنا تۆمار کرد، ک ٢٩ مردگ پەتاگە و ٧٥٢ تویشهاتن نوو تومار كرد.

related