2019-07-21 09:03:57

شه‌فه‌ق نيوز/ نويسينگه‌ى حه‌سه‌ن رۆحانى سه‌رۆك ئيرانى، له‌ وتار ئه‌را وه‌زيره‌يل پيشه‌سازى و كشتوكاڵ و ته‌ندروستى گشتى، وت: يه‌ك مليار يۆرۆ(1,12 مليار دۆلار)ك ته‌رخان كرياوێد ئه‌را هاوردن ده‌رمان و كاڵايه‌يل بنه‌ڕه‌تى، نه‌مه‌ندگه‌.

 

له‌و باوه‌ته‌و، رووژنامه‌ى جيروزاليم پۆست له‌ زووان ئێزگه‌ى فاردا، وت: مه‌حمود فايزى سه‌رۆك نويسينگه‌ى سه‌رۆكايه‌تى ئيرانى له‌و وتاره‌ داواى ته‌وزيحكردن له‌باره‌ى ئه‌و روێداگه‌ كردگه‌و ئه‌و داهاته‌ ك وه‌رگيرياگه‌ له‌ دراو بيگانه‌ وه‌ نرخ سه‌رفكردن حكومى.

 

جى باسه‌، وه‌بوونه‌ى داوه‌زين فريه‌ى نرخ دراو ئيرانى له‌ى ساڵه‌يل دوياخره‌، حكومه‌ت ئيسه‌ دراو بيگانه‌ ته‌رخان كردگه‌ وه‌ نرخ سه‌رف ئه‌رزانتر ئه‌را هاوردن ده‌رمان و مادده‌يل خوارده‌مه‌نى و مادده‌يل خام و چشته‌يل تر له‌ كاڵايه‌يل ئيرانى ك زويتر ره‌زامه‌نى له‌بانى درياگه‌، وه‌لێ فايزى باس له‌وه‌ كرد ك نزيكه‌ى 849 مليۆن يۆرۆ ك ته‌رخان كرياگه‌ ئه‌را هاوردن ده‌رمان و 130 مليۆن دۆلار تر ئه‌را ده‌رمان درياسه‌ كۆمپانيايگ و نه‌مه‌نده‌سه‌ى.

}