2019-11-22 08:29:35

شه‌فه‌ق نيوز/ سامۆئيل براونباك باڵێۆز گڕخوه‌ر ئه‌مريكى ئه‌را كاروبار ئازاديه‌يل ئايينى، وت: وڵاته‌يل يه‌كگرتگ وه‌شيوه‌ى فراوانيگ ته‌ركيز له‌بان ئه‌و راپۆرته‌يله‌ ئه‌كا ك باس له‌وه‌ ئه‌كه‌ن توركيا كه‌مينه‌يل ئه‌گرێده‌ ئامانج له‌ باكوور خوه‌رهه‌ڵات سوريا.

 

براونباك باس له‌ لێدوانه‌گه‌ێ دۆناڵد تره‌مپ سه‌رۆك ئه‌مريكايش كرد ك له‌تى باس له‌وه‌ كرد ئابوورى توركيا له‌ڕێ چه‌سپانن سزايه‌يله‌و وێران ئه‌كا له‌ حاڵه‌تيگ ئه‌گه‌ر توركيا بڕيگ خه‌ت هه‌ن بپه‌زنيده‌يان و وت: باوه‌ڕم ئه‌وه‌سه‌ سه‌رۆك ئه‌مريكا ئه‌و كاره‌ ئه‌كاو زويتريش سزا چه‌سپان ئه‌را ئازادكردن برۆنسون.

 

جى باسه‌، براونباك هه‌ميش وت: ئه‌گه‌ر هات و توركيا ئه‌و خه‌ته‌يله‌ په‌زان له‌ڕێ وه‌ئامانجگرتن ئاوايه‌يل مه‌سيحيه‌يل و كه‌مينه‌يل تر له‌ باكوور خوه‌رهه‌ڵات سوريا، ئه‌و وه‌خته‌ مه‌سه‌له‌گه‌ جووريگ تره‌و بايه‌سه‌ له‌لايه‌ن سه‌رۆك و ئه‌نجومه‌ن ئاسايش نه‌ته‌وه‌ييه‌و ته‌ماشاى مه‌سه‌له‌گه‌ بكريه‌ێد و ئه‌وان له‌ نزيكه‌و چه‌وديرێ ئى كاره‌يله‌ ئه‌كه‌ن و هوير فريه‌يگ خستنه‌سه‌ لاى كاره‌گه‌و ئه‌و روێداگه‌يله‌ ك روێ ئه‌ياد له‌ ناوچه‌گه‌.

FaceIraq
}