هونەرمەنیگ میسری هاوسەر خوەی کوشێد

Category: هــــه‌واڵ جیــهانى

Date: 2020-07-08T10:57:08+0000
هونەرمەنیگ میسری هاوسەر خوەی کوشێد

شەفەق نیوز/ هونەرمەن میسری '' عەبیر بیبەرس'' شویەگەی خوەی کوشت لە مرافەیگ ناوبەین خوەیان لە ماڵەگەیان لە ناوچەی بساتین لە قاهیرە.
دەزگا ئەمنیەگان ووردەکاری رووداوەگە ئاشکرا کردن، ک بویە شۆکیگ ئەرا چینە هونەریەگە، دویای دەسگیرکردن هونەرمەنە جوانەگە، ک ئاشکرای تاوانەگەی خوەی کرد، وەگورەی رۆژنامەی '' ئەلوەتەن'' میسری.
لە سەرەتاوە، پۆلیس خەوەردانیگ وەرگرد له‌باوه‌ت کەس گوشیاگیگ لەناو شوقەگەی، ئیجا دەرکەفت ک هاوسەر هونەرمەن عەبیر بیبەرسە. لێکۆڵینەوەگان باسکەن ک هونەرمەنەگە تاوانەگەی ئەنجام داگە لە مەوقەی مرافەیگ وەگەرد هاوسەرەگەی، دویای ئەوە ک زلەیگ داگەسە دەمچەوی، تۆڕە بویە و شووشەیگ گردگەسە دەس و چقانیەسەی ناو لەشی، له‌شوونی کەفتیە سه‌ بان زەوی و مردیه‌.
لە لێکۆڵینەوەگان، عەبیر ئاشکرای تاوانەگەی کرد، وت: گشت رووژیگ دیادەلیم لە بان هەر چشتیگ، ودویای مردنی بویە هووکار زیندانی بینم.
نوێنەرایەتی گشتی بڕیار وە بەندکردن تاوانبارەگە دا ئەرا ١٥ رووژ ، ئه‌را لێکۆڵینەوە، وتوومەت کوشتن وەزانایی.
لەلای خوەییش، محمد خزر عابدی، پارێزەر هونەرمەن عەبیر بیبەرس وت؛ ئەو باسەیلە لە رۆژنامە خەوەریەگان هاتیه‌ ، ووردەکاری لە زانیاریەگانی راس نیە، وتیش لە زوان توومەتبارەگە لە لێکۆڵینەوەگان، هیچ ئاشکراییگ نەکردگە لە تاوان خوەی ئه‌را کووشتن شوویەگەی، وگشت توومەتەگان رەت کردگە.
عابدی لە قسەیل تایبەت ئەرا رۆژنامەی '' فەجر'' وت: بیبەرس لە لێکۆڵینەوەگان باس کردگە لە مرافەیگ زوانی ناوبەینیان، ک هیشت پیاوەگە لە هووش خوەی بچوود و بکەفێد، چوونکە خوەی بیماری دڵ داشتگە، و توومەتبارەگە تەقلا داگە رزگاری بکەێد، بەڵکم نەتویەنستگە، داوای فریاکەفتن کرد، وەلی دیرکەفت، ک هیشتەی داوای دەسمیەتی لە خزم و ناسیارەگان بکەێد، وەلی گیانی دەرچگ.
پارێزەرەگە دیاری کرد؛ ئەیە لە لێکۆڵینەوەگان و ژنەفتن وەچەودیرەیلە دەرکەفت وجەخت کرد ک توومەتبارەگە رەت توومەتەگە کرد وە کوشتن هاوسەرەگەی وە کوتە شووشەیگ، و ئەیەیش راپۆرت پزشکی یاسایی یەکلایەو کەێد.

related