2019-04-12 08:44:00

شه‌فه‌ق نيوز/ مۆساد هه‌ڕه‌شه‌ى ئاشكراكردن كه‌سيگ راسپارياێ له‌لايه‌ن بنيامين نه‌تانياهۆ سه‌رۆك وه‌زيره‌يل كرد له‌ وڵاته‌يل عره‌بى ئه‌را تيكه‌ڵكردن په‌يوه‌نديه‌يل بته‌ويگ وه‌ل رژيمه‌يل عه‌ره‌بى, ئه‌ويش له‌وه‌ر ئستنكاف ئه‌و پياو نهێنيه‌ له‌ هه‌ماهه‌نگى وه‌ل هه‌واڵگيرى.

 

له‌ى باوه‌ته‌و، كه‌ناڵ عبرى 13, په‌رده‌ له‌سه‌ر وجوود ناكووكى فريه‌يگ له‌ناونى ده‌زگاى مۆساد و ئه‌نجومه‌ن ئاسايش نه‌ته‌وه‌يى لاورد له‌باره‌ى مه‌سه‌له‌ى ئداره‌ى په‌يوه‌نديه‌يل ئسرائيلى وه‌ل وڵاته‌يل عه‌ره‌بى ك له‌تى هه‌وڵ دروسكردن په‌يوه‌نديه‌يل ئه‌دريه‌ێد وه‌ل ته‌ل ئه‌بيب ك وه‌ موعته‌دل له‌ ناوچه‌گه‌ تاريف ئه‌كريه‌ێد.

 

وه‌ گووره‌ى كه‌ناڵه‌گه‌، وه‌رپرسه‌يل گه‌ورا له‌ مۆساد ئاشكراى كردنه‌ ك ئه‌نجومه‌ن ئاسايش نه‌ته‌وه‌يى وه‌ سه‌رۆكايه‌ى مائير بن شبات ئداره‌ى كه‌ناڵه‌يل په‌يوه‌ندى ناڕاسه‌وخۆ ئه‌كا وه‌ل وڵاته‌يل عه‌ره‌بى و ئسلامى موعته‌دل وه‌بى هه‌ماهه‌نگى وه‌ل مۆساد.

 

جى باسه‌، حاڵ حازر باس له‌ جيگر سه‌رۆك ئه‌نجومه‌ن ئاسايش نه‌ته‌وه‌يى ئه‌كريه‌ێد ك كابرايگه‌ نهێنى ناسرياى وه‌ ناو"معوز" ك له‌لايه‌ن نه‌تانياهۆ وه‌كار ئه‌يه‌ريه‌ێد و ژير وه‌ژير ره‌وانه‌ى ئه‌كا ئه‌را تيكه‌ڵكردن په‌يوه‌نديه‌يل وه‌ل وڵاته‌يل عه‌ره‌بى و ئسلامى وه‌ مه‌هانه‌ى ئه‌وه‌گ ده‌وڵه‌ته‌يل موعته‌دل رژيمه‌يليان مه‌يل له‌ هاوكارى وه‌ل ئسرائيل ديرن.

YesIraq