مردن وە کۆرۆنا لە بریتانیا لە 15 هەزار کردە بان

Category: هــــه‌واڵ جیــهانى

Date: 2020-04-18T20:04:44+0000

شەفەق نیوز/ شمارەى حاڵەتەیل مردن وە ڤایرۆس کۆرۆناى تازە لە بریتانیا رەسیە زایتر لە 15 هەزار و 464 کەس، دویاى ئەوەگ وڵاتەگە ئمڕوو 888 حاڵەت تازە تۆمار کرد.

 

ئى شمارە نزیکەى 41 حاڵەتى لە ئامار رووژ جومعە زیاترە لە نەخوەشخانەیل بریتانیا ک لەلایەن وەزارەت تەندروستى بریتانییەو ئاشکرا کریا ک رەسیە 847 حاڵەت مردن.

 

جى باسە، وەل ئەوەیشا وڵاتەگە 5526 حاڵەت تر تویشتبوینیش وە ڤایرۆس کۆرۆنا تۆمار کرد و وە یەیش شمارەى تویشبوین گشتى وە ڤایرۆسەگە لە ناوچەیل بریتانیا(ئنگلتەرا و ئوسکتلەندا و وێڵز و ئێرلەند باکوور) رەسیە 114217 حاڵەت، جوور ئەوەگ فرانس پرێس ئاماژە وەپیکردگە.