ماڵ چه‌رمگ: تره‌مپ وشكانن ئه‌را خوه‌ى له‌ ڤايرۆس كۆرۆنا ئه‌نجام نه‌ياگه‌

Category: هــــه‌واڵ جیــهانى

Date: 2020-03-10T09:20:14+0000

شه‌فه‌ق نيوز/ ماڵ چه‌رمگ باس له‌وه‌ كرد دۆناڵد تره‌مپ سه‌رۆك ئه‌مريكا، نه‌چيه‌ خوه‌ى تاقييه‌و بكا له‌باره‌ى ڤايرۆس كۆرۆنا، چوينكه‌ په‌يوه‌ندييگ باوه‌ڕدار و دريژ وه‌ل هويچ تويشهاتگيگ وه‌و ڤايرۆسه‌ ئه‌نجام نه‌ياگه‌و هويش نيشانه‌يليگ وه‌پيه‌و ديار نيه‌.

 

له‌ى باوه‌ته‌و، ستيفانى گريشمان قسه‌كه‌ر وه‌ناو ماڵ چه‌رمگ له‌ به‌ياننامه‌يگ وت: تره‌مپ وشكانن ئه‌را خوه‌ى ئه‌نجام نه‌ياگه‌ له‌باره‌ى په‌تاى كۆفيد - 19(كۆرۆنا)، چوينكه‌ له‌ نزيكه‌و ئه‌را ماوه‌ى فريه‌يگ مامڵه‌ وه‌ل هويچ نه‌خوه‌شيگ نه‌كردگه‌و هويچ نيشانه‌يليگ وه‌پيه‌و ديار نيه‌.

 

جى باسه‌، گريشمان هه‌ميش وت: ته‌ندروستى تره‌مپ فريه‌ خاسه‌و پزيشكه‌گه‌ى وه‌ شيوه‌يگ فراوان چه‌وديريى ئه‌كا.