لیکۆڵینه‌وەیگ بیزارکەر.. كەشوهەوای گەرم بڵاوەبوین کۆڕۆنا کەمەو نێەکەێد

Category: هــــه‌واڵ جیــهانى

Date: 2020-05-09T21:10:53+0000
لیکۆڵینه‌وەیگ بیزارکەر.. كەشوهەوای گەرم بڵاوەبوین کۆڕۆنا کەمەو نێەکەێد

شەفەق نیوز/ روژنامەی ( ئەڵدەیلی میل) بریتانی، لە قسەیل زاناگان هاوردیه‌ ک ئەگەریگ نیە ک كەشوهەوای گەرم بڵاوبوین ڤاێڕۆس کۆڕۆنا کەمەو بکەێد یا ری لەلی بگرێد، یه‌ش هیوای لەناوبردنی وەتاوسان شیوان.
لێکۆڵینەوەکارەیلیگ لە کەنەدا، تاقی بڵاوبوین کۆفید-١٩ لە دەور جیهان کردن لە دویادویای مانگ ئازار، لە شوینەیلیگ تەڕو جیواز.
دکتۆر پیتەر جۆنی، لە زانکۆی تۆڕینتۆ وت؛ تیمەگە تەنیا کەمیگ پەیوەندی دینەو لە ناوبەین بڵاوەبوین ڤاێڕۆسەگە و پلەی گەرمی یا هێڵ ئاسۆیی، یا تەنیا پەیوەندی کەمیگ وە تەڕی داشت.
وتیش؛ خوەیان لێکۆڵینەوەیگ سەرەتایی کردن ک پێشنیاری ئەوە بوی ک هێڵ ئاسۆیی وپلەی گەرمی دەوریگ رانن، وەلی وەختا دووارەی لێکۆڵینەوەگە کردن لە رەوشیگ جدیتر، ئەنجامەگە وەپێچەوانەو هات.
دکتۆر جۆنی ئاماژەدا ک خوەی وە پێچەوانەی ئەوەس، ک بەسانن مەکتەبەیل وکارەیل تەندروسی گشتی، جوی وساننیگ راسی ئەرا ڤایڕۆس کۆڕۆنا بوی، وتیش؛ ئەنجامەیلمان پەیوەندی راستەخۆ دیرن، چوینکە فرە له‌ ناوچه‌یل وهەرێمەیل کەنەدا، هویر لە کەمەوکردن دەسوەردانەیل تەندروسیە گشتیەگان کەن.
پڕۆفیسۆر دیون جیسینیک، زانای پەتا لە زانکۆی تۆرینتۆ ک بەشدارە لە لێکۆڵینەوەگە وت؛ تاوسان لەناوی نیەوەێد، گرنگە مەردم یە بزانن، لەلایگ ترەو هەرچەنی دەسوەردان تەندوسی گشتی فرەوە بوود لە ناوچەیگ، ئەوەنە کارەگەری لەبان کەموبوین پەتاگە بوود.

related