2019-11-22 08:22:21

شه‌فه‌ق نيوز/ ئاژانس هه‌واڵه‌يل فه‌رمى سوورى وت: په‌نج مه‌ده‌نى له‌ناونيشانيش مناڵيگ كوشيانه‌و 40 كه‌سيش زه‌خمدار بوينه‌ له‌ ئه‌نجام په‌لاماريگ ئه‌را بان شماره‌يگ له‌ گه‌ڕه‌كه‌يل  شار حه‌له‌ب له‌ باكوور وڵاته‌گه‌.

 

له‌وباوه‌ته‌و ئاژانس ساناى سوورى له‌ زووان سه‌رچه‌وه‌يگ له‌ سه‌ركردايه‌تى پۆليس حه‌له‌ب وت: ئه‌و ريكخرياگه‌يله‌ ك بڵاوبوينه‌ له‌ ده‌ورگرد خوه‌رئاواو گونده‌واره‌يل باكوور خوه‌رئاواى شار حه‌له‌ب وه‌رده‌وامى دانه‌سه‌ بۆردومانكردن گه‌ڕه‌كه‌يل شاره‌گه‌و نزيكه‌ى په‌نج كه‌س كوشيانه‌و 40 كه‌سيش زه‌خمدار بوينه‌.

 

جى باسه‌، ئاژانسه‌گه‌ هه‌ميش و: ئه‌و په‌لاماره‌يله‌ زه‌ره‌ده‌يل فريه‌يگيش وه‌ ماڵ و موڵك ره‌سانه‌گه‌و ئاماژه‌ وه‌يه‌يش كرد زه‌خمداره‌يل جيواز كريانه‌ ئه‌را نه‌خوه‌شخانه‌ى رازى و جامعه‌ له‌وه‌ر وه‌رگرتن چاره‌سه‌ر.

}