2020-02-25 07:54:04

شه‌فه‌ق نيوز/ ده‌سڵاته‌يل چينى، مردن 71 كه‌س وه‌ ڤايرۆس كۆرۆنا تۆمار كردنه‌ له‌ ماوه‌ى 24 سه‌عات گوزه‌يشت، يه‌يش له‌ كه‌مترين ئاماريگ مردنه‌يل رووژانه‌ له‌ وڵاته‌گه‌ ئه‌را زياتر له‌ دو هه‌فته‌، ك شماره‌ى حاڵه‌ته‌يل گيان له‌ده‌سداينيش له‌ وڵاته‌گه‌ ره‌سيه‌سه‌ 2663 كه‌س.

 

ليژنه‌ى ته‌ندروستى نيشتمانى له‌ چين له‌ به‌ياننامه‌يگى وت: وه‌گووره‌ى دويا ئاماره‌يل له‌ 31 هه‌رێم، جه‌خت له‌ مردن 71 حاڵه‌ت تازه‌ى ڤايرۆس كۆرۆنا كرياگه‌، وه‌يه‌يش شماره‌يل مردگه‌يل ره‌سيه‌سه‌ 2663 كه‌س، شماره‌ى تويشهاتگه‌يليش ره‌سيه‌سه‌ 77 هه‌زار و 658 حاڵه‌ت، شماره‌ى ئه‌و كه‌سه‌يليشه‌ ك چاره‌سه‌ر ئه‌رايان كرياگه‌ ره‌سيه‌سه‌ 27 هه‌زار و 232 كه‌س.

 

جى باسه‌، ليژنه‌گه‌ هه‌ميش وت: 62 حاڵه‌ت مردن له‌و 71 حاڵه‌ته‌ له‌ ناوچه‌ى هۆبى تۆمار كرياگه‌ ك سه‌رچه‌وه‌ى ڤايرۆسه‌گه‌ بويه‌ له‌ناوڕاس وڵاته‌گه‌.

}