2019-12-12 18:39:49

شه‌فه‌ق نيوز/ باڵيۆز ئه‌مريكا له‌ به‌غدا، مه‌سه‌له‌ى رفانن و كاره‌يل تون وتيژى له‌ خوه‌ينيشانداينه‌يل له‌ شاره‌يل عراقى ئدانه‌ كرد.

 

باڵيۆزخانه‌گه‌ له‌ به‌ياننامه‌يگ وت: راپۆرته‌يليگ وه‌پيمان ئه‌ڕه‌سێد ك جى نيگه‌رانيه‌ تاڕاده‌ى فريه‌يگ و باس له‌وه‌ ئه‌كه‌ن خوه‌ينيشانده‌ره‌يل و چالاكوانه‌يل ئاشتيخواز تويش هه‌ڕه‌شه‌ و رفانن و كوشتن بوونه‌وه‌.

 

به‌ياننامه‌گه‌ وت: نه‌بايه‌د وه‌خشين له‌ ئيچنه‌ كرده‌وه‌يليگ بكريه‌ێد و حكومه‌ت عراقييش نه‌بايه‌د رى وه‌ ئيچنه‌ كرده‌وه‌يليگ له‌ ده‌يشت ياسا بيه‌ێد و وه‌رده‌وام بدێ له‌ بيده‌نگى و ئيمه‌يش وه‌ تونى ئدانه‌ى وه‌كارهاوردن تون وتيژى و رخه‌وبردن ئه‌كه‌يم له‌ خوه‌ينيشانداينه‌يل ئاشتيانه‌و ياسايى و دادگه‌رانه‌، جوور ئه‌وه‌گ ئمڕوو له‌ مه‌يدان وه‌سبه‌ رويدا ك كرده‌وه‌يگ رخه‌وبه‌ر بوێ.

 

جى باسه‌، به‌ياننامه‌گه‌ هه‌ميش وت: ئيمه‌ زويتر وتيم و ئيسه‌يش دوباره‌ى ئه‌كه‌يم ك حكومه‌ت وڵاته‌يل يه‌كگرتگ پشتگيرى خواست عراق ئه‌كا له‌ ئاسايش و سه‌روه‌رى و سه‌قامگيرى، ك يه‌يش جيوه‌جێ نادێ مه‌گه‌ر وه‌ وسانن كرده‌وه‌يل رفانن و تون وتيژى.

}