2019-04-20 07:05:00

شه‌فه‌ق نيوز/ وه‌رپرسيگ ئه‌منى عراقى ئاشكراى ئه‌وه‌ كرد هيزه‌يل عراقى نزيكه‌و بوينه‌ له‌ ته‌واوكردن پلانه‌يل تايبه‌ت وه‌ كۆنترۆڵكردن مه‌رزه‌يل دريژ ده‌يشتايى وه‌ل سوريا(زياتر له‌ 600 كليۆمه‌تر) ك وه‌رجه‌ مانگه‌يليگ ده‌سوه‌پيكرد.

 

ئه‌و وه‌رپرس ئه‌منيه‌ ك نه‌تواس ناوى ئاشكرا بدێ, ئه‌را رووژنامه‌ى شه‌رقه‌ولئه‌وسه‌ت وت: مه‌سه‌له‌ى ته‌ئمينكردن مه‌رزه‌يل ده‌يشتايى وه‌ل لايه‌ن سورى ئه‌را ماوه‌يگه‌ ده‌سوه‌پيكردگه‌، وه‌لێ هه‌وه‌جه‌ وه‌ دوباره‌ دقه‌تكردن ديرێد له‌ بڕيگ شيواز و لايه‌نه‌و، يه‌يش له‌وه‌ختيگ له‌ ناوچه‌يليگيش وه‌ ته‌واوى كۆنترۆڵ كرياگه‌.

 

ئه‌و وه‌رپرس ئه‌منيه‌ هه‌ميش وت: ئه‌و پلانه‌ ك پشت وه‌پى به‌سياگه‌ ئه‌را كۆنترۆڵكردن مه‌رزه‌يل وه‌ل سوريا ئسپات سه‌ركه‌فتن كرد له‌ ماوه‌ى گوزه‌يشت، ئه‌ويش له‌باره‌ى ريگرتن له‌ هاتن تيرۆريسته‌يل له‌ ديم سورياوه‌ وه‌ره‌و عراق و وه‌چه‌واشه‌وه‌، وه‌لێ له‌ هه‌مان وه‌خت هه‌وه‌جه‌ وه‌ چشته‌يليگ تر زيايه‌يش ديرێد له‌ئاست وه‌كارهاوردن ئامێره‌يل جوور كامێرا و ئامێره‌يل ئه‌لكترۆنى يا كۆنترۆڵكردن ناوچه‌يل تر ك نه‌كه‌فتوينه‌ وه‌ر ئه‌و پلانه‌.

YesIraq