2020-01-27 07:54:45

شه‌فه‌ق نيوز/ ليژنه‌ى ته‌ندروستى نيشتمانى له‌ چين له‌ به‌ياننامه‌يگ له‌بان ماڵپه‌ڕه‌ ئه‌لكترۆنيه‌گه‌ى وت: شماره‌ى ئه‌و كه‌سه‌يله‌ ك گيان له‌ده‌سدانه‌ له‌ئه‌نجام تويشهاتن وه‌ نه‌خوه‌شى كۆرۆنا ره‌سيه‌سه‌ 80 كه‌س و حاڵه‌ته‌يل تويشهاتنيش ره‌سيه‌ 2744 كه‌س.

 

حكومه‌ت چينى له‌ به‌ياننامه‌يگ وت: لى كه‌ تشياانگ سه‌رۆك وه‌زيره‌يل سه‌ردان شار وۆهان كردگه‌ له‌وه‌ر ئى نه‌خوه‌شى و حاڵه‌ته‌يله‌ ك بويه‌سه‌ هووكار گيان له‌ده‌سداين 80 كه‌س و تويشهان زياتر له‌ 2700 كه‌س تر له‌ وڵاته‌گه‌.

 

به‌ياننامه‌گه‌ يه‌يش ده‌رخست ك سه‌رۆك وه‌زيره‌يل چين له‌وه‌ر وه‌رده‌وامى هه‌وڵه‌يل ئه‌را زاڵبوين له‌بان ئه‌و نه‌خوه‌شيه‌ سه‌ردان شار وۆهان كردگه‌و قسه‌يش وه‌ل نه‌خوه‌شه‌يل و كارمه‌نده‌يل كردگه‌ له‌ كه‌رت پزيشكى.

}