2020-02-11 07:00:31

شه‌فه‌ق نيوز/ ده‌سڵاته‌يل فه‌رمى چينى باس له‌ به‌رزه‌وبوين شماره‌ى قوربانيه‌يل ڤايرۆس كۆرۆنا كرد له‌ وڵاته‌گه‌ ئه‌را 1016 حاڵه‌ت گيان له‌ده‌سدان و زياتر له‌ 42,6 هه‌زار تويشهاتگ.

 

له‌ى باوه‌ته‌و، ليژنه‌ى ته‌ندروستى نيشتمانى چينى له‌ به‌ياننامه‌يگ وت: تا نيمه‌ى شه‌و 10 فبرايه‌ر، ليژنه‌ى ته‌ندروستى نيشتمانى له‌ چين ئاماره‌يليگ له‌ 31 هه‌رێمه‌و وه‌ده‌سى كه‌فتگه‌ وه‌ ئه‌وه‌گ شماره‌ى تويشهاتگه‌يل ره‌سيه‌سه‌ 42638 كه‌س و گيان له‌ده‌سداين 1016 كه‌س و خاسه‌وبوين 3996 كه‌س.

 

جى باسه‌، يه‌يش له‌وه‌ختيگه‌ شماره‌ى قوربانيه‌يل وه‌رجه‌ رووژيگ 908 حاڵه‌ت بوێ وه‌ل 40171 حاڵه‌ت تويشهاتن وه‌ ڤايرۆس كۆرۆنا.

}