2019-10-17 19:26:30

شه‌فه‌ق نيوز/ سه‌رۆك حكومه‌ت هه‌رێم كه‌تالۆنيا، له‌ ئه‌نجام خوه‌ينيشانداينه‌يل وه‌رده‌وام ئه‌را ماوه‌ى چه‌ن رووژيگه‌، ئاشكراى خواست ريكخستن راپرسى دويه‌م كرد ئه‌را سه‌روه‌خوه‌يى هه‌رێمه‌گه‌و جيابوينه‌وه‌ى له‌ ئسپانيا له‌ ماوه‌ى دوساڵ ئاينده‌.

 

كيم تورا سه‌رۆك حكومه‌ت ناوچه‌يى لايه‌نگر سه‌روه‌خوه‌يى له‌نوو ته‌حه‌داى حكومه‌ت ناوه‌ندى كرد له‌ مه‌درێد له‌ وته‌يگى له‌وه‌رده‌م په‌رله‌مان هه‌رێمه‌گه‌ وت: جاريگتر روێ له‌ سه‌ندووقه‌يل ده‌نگداين ئه‌كه‌يم ئه‌را دياريكردن چاره‌نويسمان و بايه‌سه‌ له‌بانمان كووتايى وه‌ى ولايه‌ت ته‌شريعيه‌ باريم وه‌ جيگيركردن سه‌روه‌خوه‌ييمان.

 

جى باسه‌، تورا جه‌ختيش له‌وه‌ كرد فه‌رمانه‌يل دادوه‌رێ ك له‌لايه‌ن دادگاى باڵاى وڵاته‌گه‌وه‌ ده‌رچيه‌ ده‌رهه‌ق وه‌ 9 سه‌ركرده‌ى وه‌رين هه‌رێم له‌وه‌ر نيشانداين رۆليان ئه‌را جيابوينه‌وه‌ له‌ ساڵ 2017، رێ له‌ دوباره‌ خستنه‌ڕوێ مه‌سه‌له‌ى سه‌روه‌خوه‌يى و ده‌نگداين له‌بانى ناگرێد.

}