2017-02-11 06:28:00

شه‌فه‌ق نيوز/ سه‌رچه‌وه‌يل ره‌سانن سعودى ئاشكراى باڵه‌وداين يه‌كه‌مين باڵۆنيگ كردن ئه‌را چه‌ودێرى و ده‌رخستن جموجويله‌يل گومانليكرياگ له‌بان مه‌رزه‌يل.

 

له‌ى باوه‌ته‌و، رووژنامه‌ى ئه‌لجزيره‌ باس له‌وه‌ كرد ك سامى ئه‌لحه‌ميدى وه‌ڕيه‌وبه‌ر جيوه‌جيكار په‌يمانگاى مير سوڵتان ئه‌را توێژينه‌وه‌يل و ته‌نيكه‌يل پيشكه‌فتگ ئه‌وه‌ ده‌رخستگه‌ ك گرينگى وه‌كارهاوردن باڵۆن دقه‌ت له‌بان توانايه‌يل پيشكه‌فتگ خود باڵۆنه‌گه‌ ئه‌كاو كاميراى شه‌وانه‌و رووژانه‌يش له‌تى دانرياگه‌ وه‌ل رادار تايبه‌ت ئه‌را ئاشكراكردن ئامانجه‌يل و جموجويل چشته‌يل گومانليكرياگ له‌ مه‌رزه‌يل.

 

جى باسه‌، ئه‌لحه‌ميدى ئاماژه‌ وه‌يه‌يش كردگه‌ ك ئى باڵۆنه‌ تواناى ئه‌وه‌ ديرێد ئه‌را ماوه‌ى 14 رووژ وه‌رده‌وام له‌ ئاسمان بمينێد وه‌ل تواناى دوينستن وه‌ رووژ و شه‌و و له‌به‌رزى 2000 قه‌ده‌م.

FaceIraq
}