ساندرز خوه‌ى كيشاوه‌و ركابه‌رى سه‌رۆكايه‌تى ئه‌مريكا ئه‌را جو بايدن هيشته‌جى

Category: هــــه‌واڵ جیــهانى

Date: 2020-04-08T21:02:04+0000

شه‌فه‌ق نيوز/ بيرنى ساندرز سيناتۆر سه‌روه‌خوه‌ى، له‌وه‌رده‌م تيمه‌گه‌ى ئاشكراى ئه‌وه‌ كرد ركابه‌رى ئه‌را ماڵ چه‌رمگ هيشته‌جى، ك وه‌يه‌يش كووتايى وه‌ دويه‌م هه‌وڵى ئه‌را سه‌ركه‌فتن هاورد وه‌رانوه‌ر شانس گه‌ورايگ ئه‌را جو بايدن.

 

له‌ى باوه‌ته‌و تيم هه‌ڵمه‌ته‌گه‌ێ له‌ به‌ياننامه‌يگ وت: سيناتۆر بيرنى ساندرز له‌ په‌يوه‌ندييگ ته‌له‌فۆنى وه‌ل تيمه‌گه‌ هه‌ڵمه‌ته‌گه‌ى ئه‌را پۆست سه‌رۆكايه‌تى وسانگه‌.

 

به‌ياننامه‌گه‌ وت: هه‌ڵمه‌ته‌گه‌ ته‌واو ئه‌دێ و خه‌بات وه‌رده‌وامه‌، يه‌يش له‌وه‌ختيگ ك جو بايدن جيگر وه‌رين سه‌رۆك ته‌نيا كانديد ديموكراتخوازه‌يله‌ ئه‌را روێ وه‌ڕوێ بوينه‌وه‌ى تره‌مپ له‌ هه‌ڵوژاردنه‌يل 3 نۆڤه‌مبه‌ر.