2019-11-23 07:52:29

شه‌فه‌ق نيوز/ ده‌مه‌و شه‌وه‌كى ئمڕوو زه‌ويه‌له‌رزه‌يگ وه‌هيز 4 پله‌ى ريخته‌ر له‌ ناوچه‌يليگ له‌ پاريزگاى سه‌منان له‌ باكوور خوه‌رهه‌ڵات ئيران رويدا.

 

ناوه‌ند تۆماركردن زه‌ويه‌له‌رزه‌ى سه‌ر وه‌ ده‌زگاى جيوفيزيايى له‌ زانكۆى ته‌هران له‌ راپۆرتيگى وت: ئى زه‌ويه‌له‌رزه‌ له‌ سه‌عات 00:36:48 ده‌مه‌و شه‌وه‌كى وه‌ وه‌خت ناوچه‌يى و سه‌عات 21:06:48 ئيواره‌ وه‌ وه‌خت گرينتش رويداگه‌.

 

باس له‌وه‌يش كرد زه‌ويه‌له‌رزه‌گه‌ له‌ شاروچكه‌ى شه‌هيميرزاد سه‌ر وه‌ شار مه‌هدى شار باكوور پاريزگاى سه‌منان له‌ باكوور خوه‌رهه‌ڵات ئيران كه‌فته‌سه‌و وه‌ قويلايى 8كم له‌ ژير زه‌وێ و تائيسه‌ هويچ راپۆرتيگ له‌بان كه‌فتنه‌وه‌ى زه‌ره‌ده‌يل ماددى يا گيانى ده‌رنه‌كه‌فتگه‌ له‌ئه‌نجام ئه‌و زه‌ويه‌له‌رزه‌.

FaceIraq
}