زاناگان دووپات کەن ک هەواگە ڤایڕۆس کۆڕۆنا هەڵگرێد

Category: هــــه‌واڵ جیــهانى

Date: 2020-07-06T11:00:28+0000
زاناگان دووپات کەن ک هەواگە ڤایڕۆس کۆڕۆنا هەڵگرێد

شەفەق نیوز/ رۆژنامەی نیویۆرک تایمز باسکرد ک سەدان زانا دووپاتکەن لە رەسینیان ئەرا بەڵگەیلیگ ئووشێد ک ڤایڕۆس کۆرۆنا توانای جوولە لەڕی هەواوە دیرێد، وداوا کردن لە رێککراو تەندروسی جهانی تا دووارە گوزار لە رینماگانی بکەێد.
رۆژنامەگە باسکرد ک ٢٣٩ زانا لە ٣٢ دەوڵەت پەیماننامەیگ واز پیشکەش کردن، ک خوەیان خوازن لە هەفتەی ئاینده‌ لە خول زانستییگ ئەو بەڵگەیلە بڵاو بکەن، ک دیارخەێد ڤایڕۆسەگە توانای گواستنەوە ئەرا ئایەم دیرێد لە ری گردیله‌لیگ وورد ک هانە ناو هەواگە.
زاناگان وتن: هەواگە ڤایڕۆسەگە هەڵگرێد، و پەتاگە ئەرا ئایەم تیرێد لە وەخت هەناس هەڵکیشان، چ تکەیل پرش گەورا لەناو هەوا بوود دویای پژمە، یا تکەیل بویچگ تر بوود لەناو هەواگە، ئەویش بوود، وەلی ئەوە تا ئیسە پاڵپشتی وە بەڵگەیل تاقیگه‌ نەکریاگە.

related