ريكخرياگيگ مافناسى: وه‌لاى كه‌مه‌و له‌ ئيران 143 كه‌س له‌ خوه‌ينيشانداينه‌يل كوشيانه‌

Category: هــــه‌واڵ جیــهانى

Date: 2019-11-26T08:51:20+0000

شه‌فه‌ق نيوز/ ريكخرياگ وه‌خشين ناوده‌وڵه‌تى ئاشكراى ئه‌وه‌ كرد وه‌لاى كه‌مه‌و له‌ ناوچه‌يل جياجياى ئيران 143 كه‌س كوشيانه‌ له‌وه‌ختيگه‌و فه‌رمان كپه‌وكردن خوه‌ينيشانده‌ره‌يل ئه‌را هيزه‌يل ئاسايش ئه‌و وڵاته‌ ده‌رچى له‌ئه‌نجام به‌رزه‌وبوين نرخ سووزه‌مه‌نى.

 

ريكخرياگه‌گه‌ ك باره‌گاى ها له‌نده‌ن، وت: وه‌گووره‌ى راپۆرته‌يليگ متمانه‌دار، شماره‌ى كوشياگه‌يل ره‌سيه‌سه‌ 143 كه‌س ك زوورميان وه‌ گوله‌ كوشيانه‌.

 

جى باسه‌، هه‌مان ريكخرياگ باس له‌وه‌يش كرد ك پيشبينى ئه‌كا شماره‌ى كوشياگه‌يل فريه‌ له‌وه‌يش زياتره‌و هه‌ر وه‌و خاتريشه‌ ئاماژه‌ وه‌ وه‌رده‌وامى په‌يجوورى كرد له‌و باوه‌ته‌و.