2019-12-07 08:36:49

شه‌فه‌ق نيوز/ رووژنامه‌ى نيويۆرك تايمز باس له‌وه‌ كرد خوه‌ينيشانداينه‌يل ئيسه‌ى ئيران وه‌ يه‌كيگ له‌ خويناويترين خوه‌ينيشانداينه‌يليگ له‌ ماوه‌ى 40 ساڵه‌ تاريف كريه‌ێد ك وه‌لاى كه‌مه‌و 180 كه‌س كوشيانه‌ له‌ هه‌وڵيگ سه‌رنه‌كه‌فتگ ئه‌را وساننه‌وه‌ى فراوانبوين ئه‌و خوه‌ينيشانداينه‌يله‌.

 

خوه‌ينشانداينه‌يل ئيرانى ئه‌را ماوه‌ى دو هه‌فته‌سه‌ ده‌س وه‌پيكردگه‌ وه‌بوونه‌ى به‌رزه‌وبوين نرخ سووزه‌مه‌نى و هه‌ر وه‌و خاتريشه‌ مه‌ردم ئه‌و وڵاته‌ له‌ شاره‌يل فريه‌يگ رشيانه‌ ناو جاده‌و داواى رميان حكومه‌ت و سه‌ركرده‌ى رژيم ئيرانى كردن.

 

له‌ى باوه‌تيشه‌و، ئوميد ميمريان جيگر وه‌ڕه‌يه‌وبه‌ر ناوه‌ند مافه‌يل ئاده‌ميزاد ئيرانى ك باره‌گاى ها نيويۆرك وت: له‌ى ماوه‌ى دوياخره‌ ده‌سڵات ئيرانى هيز كوشنده‌ وه‌كار هاوردگه‌ له‌سه‌رانسه‌ر ڵاته‌گه‌و ناڵنێد وه‌ده‌س خراوترين شه‌پۆل خوه‌ينيشانداين.

}