2019-07-14 19:42:17

شه‌فه‌ق نيوز/ بنيامين وينسال رووژنامه‌نويس له‌ راپۆرتيگ ك له‌ماڵپه‌ڕ "فۆكس نيوز " ئه‌مريكى بڵاو كريا، نويساگه‌: نزيكه‌ى 30 مزگفت و ناوه‌ند رووشنهويرى له‌ ئه‌ڵمانيا په‌يوه‌ندى وه‌ل حزبوڵڵاى لوبنانى په‌ياكردنه‌ ك له‌لايه‌ن وڵاته‌يل يه‌كگرتگ ئه‌مريكاوه‌ خرياسه‌ ليست تيرۆر.

 

له‌ راپۆرته‌گه‌ هاتگه‌: له‌ حاڵ حازر له‌ ئه‌ڵمانيا 30 ناوه‌ند رووشنهويرى و مزگفت هه‌ن ئه‌و كه‌سه‌يله‌ ك هامشوويان ئه‌كه‌ن نزيكن له‌ حزبوڵڵاى لوبنانى و ئايدۆلۆجيه‌ته‌گه‌ێ و وه‌گووره‌ى راپۆرتيگيش هه‌واڵگيرى ك ئه‌كه‌فێده‌ لاپه‌ڕه‌ى 282 و راپۆرته‌يل تر ك فۆكس نيوز ئاگاداريه‌، نزيكه‌ى 1050 كه‌س لايه‌نگرى ئى كاره‌ ئه‌كه‌ن و ئه‌ندامن له‌ حزبوڵڵا.

 

جى باسه‌، يه‌يش له‌وه‌ختيگه‌ ك زويتر ريتشارد گرينيل باڵيۆز ئه‌مريكى له‌ ئه‌ڵمانيا وت: مه‌ترسى له‌و كه‌سه‌يله‌ ئه‌كريه‌ێد ك سووزدارن وه‌ل حزبوڵڵا ئه‌را گرده‌وكردن ته‌به‌روعات له‌ هامبۆرگ و يه‌يش نيشانه‌ى ئه‌وه‌سه‌ ك بايه‌سه‌ حزبوڵڵا وه‌ ته‌واوى قه‌يه‌غه‌ بكريه‌ێد.

FaceIraq
}