راپۆرتيگ ئه‌مريكى: بن سه‌لمان 20 مير سعودى ده‌سگير كردگه‌ هه‌وڵ كوده‌تا دانه‌

Category: هــــه‌واڵ جیــهانى

Date: 2020-03-08T09:20:22+0000

شه‌فه‌ق نيوز/ شماره‌ى ميره‌يل ده‌سگيركرياێ سعودى له‌ ماوه‌ى چه‌ند سه‌عاته‌يليگ گوزه‌يشت به‌رزه‌و بوێ، ئه‌ويش وه‌گووره‌ى رووژنامه‌ى "واشنتۆن پۆست" ئه‌مريكى.

 

رووژنامه‌گه‌ ئاماژه‌ وه‌ ئه‌وه‌ كرد له‌ماوه‌ى چه‌ن سه‌عاتيگ گوزه‌يشت مير نايف بن ئه‌حمه‌د كوڕ مير ئه‌حمه‌د بن عه‌بدولعه‌زيز براى شا سه‌لمان، مير نه‌واف بن نايف براى مير محه‌مه‌د بن نه‌واف ده‌سگير كريانه‌.

 

راپۆرته‌يل رووژناگه‌رييش ئاشكراى ده‌سگيركردن مير ئه‌حمه‌د بن عه‌بدولعه‌زيز و مير محه‌مه‌د بن نايف وه‌ليعه‌هد وه‌رين كرد له‌ ده‌مه‌و شه‌وه‌كى دويه‌كه‌ى جومعه‌ وه‌ تومه‌ت خيانه‌تكردن ك دوير نيه‌ تويش سزاى له‌سێداره‌دان بوونه‌و.

 

جى باسه‌، راپۆرته‌يل باس له‌وه‌ كردنه‌ ك شماره‌ى ئه‌و ميره‌يله‌ ك ده‌سگير كريانه‌ ره‌سيه‌سه‌ 20 مير ك پلان ئه‌را كوده‌تا دانانه‌ له‌بان وه‌ليعه‌هد و په‌يوه‌ندى داشتنه‌ وه‌ل هيزه‌يل هه‌رێمى وه‌خاتر كوده‌تايش له‌بان پاشاى سعودى.