راوێژکار تڕامپ ئەرا شەفەق نیوز: واشینتون پشتگیری کازمی کەێد لە کونتڕۆڵ چەک بیخاوەن

Category: هــــه‌واڵ جیــهانى

Date: 2020-05-08T19:01:01+0000

شەفەق نیوز/ گبریال سوما، پڕۆفیسۆر ئەمریکی و ئەندام ئەنجومەن راویژکاری دۆناڵد تڕامپ سەرۆک ئەمریکا، ئمڕوو جومعە، دووپات لە پشتگیری ئەمریکا ئەرا موستەفا کازمی سەرۆک وەزیران عیراق کرد ئەرا جیوەجیکردن خاسەسازی وکۆنتڕۆڵ چەک بیخاوەن، وئەنجامداین هاڵبژاردن زوی وه‌خت.
سوما لە قسەیگ تایبەت ئەرا شەفەق نیوز وت؛ ئەمریکا دویای ئەوە ک موستەفا کازمی بڕوای ئەنجومەن وەزیران وەرگرد، وەخشانیگ نوو دادە عیراق لە سزای هاوردن وزە لە ئیران، ئەرا ماوەی چوار مانگتر ئەرا پشتگیری کردن لە کازمی وە ئەرک وەڕەیەوبردن حوکومەت عیراق.
هەمیش وت؛ ئیدارەی ئەمریکی پێشوازی لە پەیمان کازمی کەێد، لە ئەنجامداین هەڵبژاردن زوی وەزوی، وپشتگیریی کەێد لە جیوەجیکردن وچارەسەر کێشە تەندروسیەگان لە عیراق، وەگەرد رەوش ئابووری لە وەخت داوەزین نرخ نەفت.
راوێژکارەگە وتیش: موستەفا کازمی سەرۆک وەزیران پشتگیری ئەمریکا وەرگردیە، ئیجا بایەسە کازمی به‌رنامه‌ی خاس سازی و هاوردنه‌وه‌ی چەک وەدەس دەوڵەت جیوەجی بکەێد.