2019-02-10 07:36:00

شه‌فه‌ق نيوز/ له‌ ئاكام كه‌فتنه‌وه‌ى جه‌نگيگ له‌ناونى سووريه‌يل و هاووڵاتيه‌يل تورك له‌ كويچه‌ێ ئه‌سينيورت له‌ شار ئه‌سته‌مبوڵ ك شماره‌ى فريه‌يگ له‌ په‌نابه‌ره‌يل سوورى له‌تى نيشته‌جيين چه‌ن كه‌سيگ زه‌خمدار بوين.

 

وه‌ گووره‌ى هووكاره‌يل ره‌سانن توركى، ئه‌و جه‌نگه‌ له‌ ناوچه‌ى باغلار تشيشمه‌ له‌ كويچه‌ێ ئه‌سينيورت روێداگه‌و هيمان تائيسه‌ هووكاره‌گه‌ێ ده‌رنه‌كه‌فتگه‌و هه‌ردوگلا له‌تى دار و چه‌قوو هاوردنه‌سه‌ كار.

 

جى باسه‌، هووكاره‌يل ره‌سانن باس له‌وه‌يش كردن ك تيميگ پزيشكى و بڕيگ سه‌ياره‌يل ئه‌مپوڵانس ره‌سينه‌سه‌ شوون روێداگه‌گه‌و زه‌خمداره‌يل جيواز كردنه‌ ئه‌را نه‌خوشخانه‌ له‌وه‌ر چاره‌سه‌ر.

YesIraq
}