2019-12-01 07:35:07

شه‌فه‌ق نيوز/ ده‌سڵاته‌يل ئه‌مريكى باس له‌وه‌ كردن 9 كه‌س له‌ ئه‌نجام كه‌فتنه‌ خواره‌وه‌ى ته‌ياره‌يگ له‌ ولايه‌ت داكوتاى باشوور گيان له‌ده‌سدانه‌.

 

له‌ى باوه‌ته‌و، بيته‌ر كنودسون له‌ ليژنه‌ى نيشتمانى ئه‌را سه‌ڵامه‌تى گواستنه‌وه‌ وت: ته‌ياره‌ى "بيلاتوس بى سى-12" ك 12 سه‌رنشين له‌تى بويه‌ له‌ نزيك سه‌عات 12:30 ئيواره‌ كه‌فته‌سه‌ خوار دوياى وه‌خت كه‌ميگ له‌ باڵه‌وگرتن له‌ شار تشامبرلين له‌ ولايه‌ت داكوتاى باشوور، جوور ئه‌وه‌گ ئاژانس "ئه‌سوشێتدپرێس" ئه‌مريكى ئاماژه‌ وه‌پيكرد.

 

جى باسه‌، كنودسون يه‌يش ده‌رخست ك ليژنه‌ى نيشتمانى ئه‌را سه‌ڵامه‌تى گواستنه‌وه‌ په‌يجوورى له‌و رويداگه‌ ئه‌كا، وه‌لێ كه‌ش وهه‌واى ناله‌بار له‌ ناوچه‌گه‌ گه‌شتكردن وه‌ ته‌ياره‌ سه‌خته‌و كردگه‌.

}