بینتاگۆن ئاشکرا لە دەسپیچگ کوشتن سولەیمانی کەێد

Category: هــــه‌واڵ جیــهانى

Date: 2020-07-08T12:27:52+0000
بینتاگۆن  ئاشکرا لە دەسپیچگ کوشتن سولەیمانی کەێد

شەفەق نیوز/ وەزارەت وەرگری ئەمریکی '' بینتاگۆن'' وەڵام دا لەبان راپۆرت ئیگنیس کالامارد لێکۆڵینەوەکار تایبەت لە نەتەوە یەکگرتوەگان، هەنای وت: ئۆپراسیۆن کوشتن فەرماندەی فەیلەق قودس یاسایی نیە.
وەرپرسیگ لە وەزارەتەگە، ئیوارەی دویەکە سێشەممە، وت: قاسم سولەیمانی فەرماندەی هێز قودس لە پاسەوان سەوری ئیرانی، داشت پیلان دانیاد ئەرا پەلامارەیلیگ وەئامانجکردن بەرژەوەنیەگان ئەمریکا، ودەوڵەتەیلیگ تر، وەرجە ئۆپراسیۆن کوشتنی، وتیش ؛ کوشتن سولەیمانی خزمەتیگ بوی ئەرا ئارامی ناوچەگە و کوڵەوکردن دەس ئیران لە ئاڵوز کردن ئەمن دەوڵەتە هاوساگان.
بڕیکارە نەتەوەیەگە ئەرا باوەتەیل وەسێدەرەدان نایاسایی ئەگنیس کالامارد، پەلامارە ئاسمانیە ئەمریکیەگە ک وەپی جەنیڕاڵ سولەیمانی کوشت وە پێشیلکردن یاسای ناودەوڵەتی دانا.
لە راپۆرتەگەی وت: ئۆپراسیۆنە ئەمریکیەگە ک سولەیمانی کردە ئامانج پەیماننامەی نەتەوە یەکگرتوەگان پێشیلکرد، وئاماژەدا؛ ک ئەمریکا شکست هاورد لە هاوردن بەڵگەیلیگ لەبان پلانیگ وە ئامانجکردن بەرژەونیەگانی.
وتیش؛ جەنیڕاڵ سولەیمانی وەرپرس بوی لە ستڕاتیژی و جوولەی سەربازی ئیران لە سوریا و عراق، بەڵکم هەڕەشەیگ نزیک و راستەقینە ئەرا گیانەگان نه‌بی، و ئەو کارە ک ئەمریکا كردێ یاسایی نەوی. و داوا کرد ئەرا پرسیارکردن لە ئەو لایەنەیلە ک کارەیل کوشتن ئەنجام دەن وە فڕۆکەیل جەنگی بیفڕۆکەوان، وئەرا زیاتر لە رێککخستن وەکارهاوردن چەک.

related