2019-04-06 07:39:00

شه‌فه‌ق نيوز/ فه‌رمانه‌يل گورجيگ ده‌رچيه‌ ئه‌را چووڵكردن گشت ئه‌و شار و ئاوايه‌يله‌ ك كه‌فتنه‌سه‌ كنار ده‌رياچه‌ى كه‌رخه‌ له‌ پاريزگاى خوزستان(باشوور خوه‌رئاواى ئيران) وه‌بوونه‌ى زيايبوين رێژه‌ى ئاو و به‌رزه‌وبوينى له‌بان ئه‌و وه‌ربه‌سه‌ ك وجوود ديرێد له‌بان ده‌رياچه‌گه‌.

 

له‌و باوه‌ته‌و، ده‌سڵاتدار شار ده‌يشت ئازاد‌گان ئه‌را ئاژانس فارس وت: زيايبوين ريژه‌ى ئاو له‌ ده‌رياچه‌ى كه‌رخه‌ له‌يوا كردگه‌ پاريزگار خوزستان فه‌رمان چووڵكردن گشت ناوچه‌ى قه‌زاى ده‌شت ئازادگان بيه‌ێد ك 4 شار ئه‌گرێده‌ خوه‌ى و پيكهاتنه‌ له‌ سوسه‌نگرد و بستان و ئه‌بو حمێزه‌ و كوت سه‌يد نه‌عيم و ئاوايه‌يل سه‌ر وه‌و شاره‌يله‌ بيجگه‌ شار ره‌فيع له‌ قه‌زاى هوێزه‌.

 

جى باسه‌، ئيواره‌ى رووژ جومعه‌يش فه‌رمان چووڵكردن چه‌ن شار و شاروچكه‌يگ تر ده‌رچێ له‌ ئيران دوياى روێكردن لافاوه‌يل فريه‌يگ له‌و شاره‌يله‌.

YesIraq