2020-01-28 08:39:23

شه‌فه‌ق نيوز/ قسه‌كه‌ر وه‌ناو وه‌زاره‌ت ته‌ندروستى له‌ ميونيخ، ئاشكراى ئه‌وه‌ كرد يه‌كه‌م حاڵه‌ت تويشهاتن وه‌ ڤايرۆس كۆرۆنا تۆماركرياگه‌.

 

ئاشكرايشى كرد ئه‌و كه‌سه‌ ك وه‌و نه‌خوه‌شيه‌ تويشهاتگه‌ پياويگه‌ له‌ ناوچه‌ى شتارنبرگ له‌ بافاريا(وه‌ دويرى 30كم له‌ باشوور خوه‌رئاواى ميونيخ).

 

جى باسه‌، يه‌يش له‌وه‌ختيگه‌ شماره‌ى قوربانيه‌يل ئه‌و ڤايرۆس كوشنده‌ له‌ چين ره‌سيه‌سه‌ 106 كه‌س و شماره‌ى تويشهاتگه‌يل تريش ره‌سيه‌سه‌ 4515 كه‌س.

}