2019-10-29 07:39:46

شه‌فه‌ق نيوز/ ئه‌نجومه‌ن نوێنه‌ره‌يل ئه‌مريكى رووژ په‌نجشه‌ممه‌ يه‌كه‌مين دانيشتن ده‌نگداين فه‌رمى ساز ئه‌كا له‌چوارچيوه‌ى جيوه‌جيكردن ئامانج لاوردن دۆناڵد تره‌مپ سه‌رۆك له‌وه‌ختيگ ك ديموكراتخوازه‌يل له‌ زويه‌و هه‌ڵ ئى دانيشتنه‌ ئه‌يه‌ن.

 

له‌ى باوه‌ته‌و، وه‌رپرسيگ ديموكراتخواز ئه‌را ئاژانس "فرانس پرێس"، وت: له‌ى دانيشتن ده‌نگداينه‌ گامه‌يل ئاينده‌ ئه‌را جيوه‌جيكردنى ديارى ئه‌كريه‌يد، ئه‌ويش دوياى ئه‌وه‌گ نانسى بيلۆسى سه‌رۆك ئه‌نجومه‌نه‌گه‌ ئاگادار ديموكراتخوازه‌يل كرد وه‌و گامه‌يل ئاينده‌.

 

جى باسه‌، بيلۆسى له‌ په‌ياميگ ك ئاراسته‌ى كرده‌ فراكسيۆنه‌ په‌رله‌مانيه‌گه‌ى وت: له‌ى هه‌فته‌ بڕياريگ ئه‌را ئه‌نجومه‌ن نوێنه‌ره‌يل پيشكه‌ش ئه‌كه‌يم و جه‌خت له‌ جيوه‌جيكردن وه‌رده‌وام ئه‌كا له‌باره‌ى لاوردن تره‌مپ و ده‌قه‌گه‌ى ميكانيزميگ دانه‌ێد ئه‌را چوينێتى ئه‌نجامداين دانيشتنه‌يل گووشگرتنت واز له‌وه‌رده‌م ئه‌مريكيه‌يل و له‌ هه‌مان وه‌خت ريگه‌يش وه‌ سه‌رۆك ئه‌ياد وه‌رگرى له‌ خوه‌ى بكا.

FaceIraq
}