2019-06-12 09:18:19

شه‌فه‌ق نيوز/ كاسرين ويلبارگر يارمه‌تيده‌ر وه‌زير وه‌رگرى ئه‌مريكا ئه‌را ئاسايش ناوده‌وڵه‌تى, وت: ئه‌و هه‌ڕه‌شه‌يل ئيرانيه‌ ك بويه‌ هووكار جموجويلداين كه‌رته‌يل سه‌ربازى ئه‌را ناوچه‌گه‌ راسكانى و ئه‌نقه‌ز و هه‌ماهه‌نگ بويه‌و كاردانه‌وه‌ى واشنتۆنيش گرفت خسته‌سه‌ جموجويل ئيرانيه‌يل.

 

ويليبارگر له‌ سيميناريگ له‌ واشنتۆن وت: كلكردن كه‌رته‌يل سه‌ربازى و هيزه‌يل ئه‌را ناوچه‌گه‌ له‌بان ده‌سكه‌فتن زانياريه‌يل هه‌واڵگيرى بويه‌ له‌بان هه‌ڕه‌شه‌يل ئيرانى ك نزيك بويه‌ له‌ هه‌ڵمه‌تيگ دژ هيزه‌يل ئه‌مريكى له‌ ناوچه‌گه‌.

 

ئى وه‌رپرسه‌ له‌ وه‌زاره‌ت وه‌رگرى هه‌ميش وت: واشنتۆن مينێد و وجوود خوه‌ى پته‌وتر ئه‌كا له‌وه‌ر مقه‌يه‌تى له‌ هاوسه‌نگى له‌ ناوچه‌گه‌، يه‌يش ده‌رخست ك ئامانجيش له‌ى كاره‌ ئه‌وه‌سه‌ ئيرانيه‌يل وه‌ره‌و ميز گفتگوو بكيشێد.

 

FaceIraq
}