2020-02-28 08:36:30

شه‌فه‌ق نيوز/ وڵاته‌يل يه‌كگرتگ ئه‌مريكا داوا له‌ سوريا و روسيا  كرد كووتايى وه‌ په‌لاماره‌يل سه‌خت بارن له‌ پاريزگاى ئيدلب له‌ باكوور خوه‌رئاواى سوريا، ك ده‌يان سه‌رباز تورك له‌ په‌لاماره‌يل ئاسمانى كوشيان.

 

له‌و باوه‌ته‌و، قسه‌كه‌ر وه‌ناو وه‌زاره‌ت خارجيه‌ى ئه‌مريكا له‌ به‌ياننامه‌يگ وت: ئيمه‌ پشتگيرى توركياى هاوپه‌يمانمان ئه‌كه‌يم له‌ هاوپه‌يمان باكوور ئه‌تڵه‌سى و داوايش ئه‌كه‌يم وه‌ گورجى ئه‌و په‌لامار سه‌خته‌ كووتايى وه‌پى باريه‌ێد له‌لايه‌ن سوپاى سوريا و هيزه‌يل پشتگيريكه‌رى و ئيمه‌يش هوير له‌ خاسترين چاره‌سه‌ر ئه‌كه‌يم ئه‌را ده‌سميه‌ت توركيا له‌ى قه‌يرانه‌.

 

خارجيه‌ى ئه‌مريكا يه‌يش ده‌رخست ك په‌يوه‌ندى وه‌رده‌وام ديرێد وه‌ل ئه‌نقه‌ره‌ ئه‌را زانستن زياتر له‌باره‌ى په‌لاماره‌يل ئاسمانى ك بويه‌سه‌ هووكار كوشيان نزيكه‌ى 33 كه‌س سه‌رباز توركى.

}