2019-09-07 09:33:42

شه‌فه‌ق نيوز/ وه‌رپرس گه‌ورايگ له‌ ئداره‌ى دۆناڵد تره‌مپ سه‌رۆك ئه‌مريكا ئه‌وه‌ ده‌رخست ك تره‌مپ هوير له‌وه‌ ئه‌كا شماره‌ى ئه‌و په‌نابه‌ره‌يله‌ زياتر كه‌مه‌و بكا ك وڵاته‌يل يه‌كگرتگ وه‌ريانگرتگه‌.

 

ئه‌و وه‌رپرسه‌ ك نه‌تواس ناوى ئاشكرا بدێ، ئه‌را رووژنامه‌نويسه‌يل وتگه‌: تره‌مپ هيمان بڕيار له‌ى باوه‌ته‌و نه‌ياگه‌و چه‌ويشى نه‌كه‌فته‌سه‌ گه‌ورا وه‌رپرسه‌يل ئه‌را تاووويكردن مه‌سه‌له‌گه‌ ك ساڵانه‌ وه‌ل كوتايى مانگ ئه‌يلوول باس له‌لێ ئه‌كريه‌ێد.

 

يه‌يش له‌وه‌ختيگه‌ رووژنامه‌ى نيويۆرك تايمز وت: گه‌ورا وه‌رپرسه‌يل ئى مه‌سه‌له‌ له‌ دانيشتن رووژ سێشه‌ممه‌ى ئاينده‌ تاووتوێ ئه‌كه‌ن ك شايه‌ت كووتايى وه‌ به‌رنامه‌گه‌ وه‌شيوه‌يگ كرده‌يى باريه‌ێد يا ئه‌وه‌سه‌ كه‌مه‌و بكريه‌ێد له‌ شماره‌ى په‌نابه‌ره‌يل.

}